🥀 يعني إيه...؟؟ 🥀
قصيدة ~ يعني إيه ...؟؟
الكاتبة ~ إحسان صادق تكتب....
*،،،،،*،،،،،*،،،،،،،،*،،،،،،،*،،،،،،*
🥀 يعني إيه...؟؟ 🥀
يعني إيه بتحبني....؟؟؟
سؤال كتير يهمني
يعني من غير. ما أتكلم تحسني
من عيني تفهمني
ولما ازعل
ألاقي حضنك بسرعه يضمني
وساعة الفرح
تفرح كده. قبل مني
عيونك تزغرد من الفرحه
وتحضني باجمل بسمه
يعني إيه بتحبني؟؟
يعني همك. هو همي
الحب عمره. ماكان كلام
ولا كان أوهام
ولادرب في الأحلام
الحب..إحساس وفعل
الحب إحتواء
يعني تتحملني
الحب وفاء
الحب انك. تكون ليا الوطن
بتحبني يعني من عيني تقراني
ومن غير ما أبوح تحسني
من نبرة صوتي تعرف حزني
وصوتي ساعة الفرح
تعرفه وقوام جوه قلبك ارتاح
الحب يعني ألاقيك في تعبي
وفي أسوء حالاتي. تتحملني
بتحبني.. أجري عليك
وقوام أفضفض معاك
وروحي تسبقني ليك
بتحبني يعني تدلعني
وترضى الطفله جواي.
الحب معنى كبير
ولو بجد حبيتني
ملكتني واهديك قلبي
وملكت روحي وعقلي
وما تغلى عليك عيوني
بس أهم حاجه صح تفهمني
بتحبني يعني عمرك ما تظلمني
ولا للحيره والظنون تسيبني
حبيبي ساعتها تلاقي
حنيني وشوقي يسبقني
وأغطيك برمش عيني
واخاف عليك من النسمه
وأحطك جوه نن النني
عرفت يعني ايه بتحبني..؟؟؟
بقلمي /"إحسان صادق
تعليقات
إرسال تعليق