وبعدين
قصيدة ~ وبعدين
الكاتب ~ جمال رمضان ~ يكتب....
*،،،،،*،،،،،،*،،،،،*،،،،،،*،،،،،،*،،،،،*
( وبعدين )
طب وبعدين في الناس اللي وحشانا
سايبة حاجات كتير وحلوة أوي جوانا
لا عارفين ننساهم ولا حتى شايفنهم
حنى الهواء من بعدهم مبقاش هوانا
مشتاقين ليهم ونفسنا مرة نشوفهم
يا هل ترى فاكرنا والا إيه ظروفهم
حتى العنين بتسألني عليهم
والإيدين محتاجة تسلم على كفوفهم
بعدين ياقلبي أنا وإنت صبرنا كتير
يمكن راحوا علشان كنا عليهم بنغير
آه يا قلبي لو نعرف لهم عنوان
كنا نركب جناحات ونروحلهم ونطير
يا هل تري زي ما وحشونا وحشناهم
والا فاكرين إن احنا خلاص نسيناهم
آه يا قلبي في حد ينسى روحه
ننساهم إزاي دا إحنا لسه بنهواهم
الشاعر
( جمال رمضان )
تعليقات
إرسال تعليق