إعمل بلوك
قصيدة ~ إعمل بلوك
الكاتبة ~ إحسان صادق ~ تكتب...
*،،،،، ،،،،،*،،،،،،،*،،،،،،*
🥀إعمل بلوك 🥀
تعالوا نعمل بلوك
للحرن ويا الألم
دا القلب ياما اتظلم
وبلوك للأنانيه
محتاجين للحنيه
وإياك. تقول بلوك
للصدق وللأمانه
بقولكم أمانه
بلوك للخيانه
نفتح باب السعاده
في حياتنا. ياما. كتير
بلوك من غير تفكير
وكمان بلوووك كبير
للهم والتفكير
هتعيش زي الامير
الدنيا بحر كبير
أمواجه تتوهنا
مش عارفين فين احنا
بجد محتاجين
نعمل بلوك
للحزن والانين
بقينا موجوعين
واللي مننا داسنا
وقلوب متقطعين
واقول كمان
بلوك للقطيعه
والقلوب القاسيه
خلينا متواصلين
صلة. رحم وقرابه
الرحمه من صفاته
سبحانه وتعالى
نرحم بقى بعضينا
يرحمنا. رب الكون
نكتر من حسناتنا
ندى كتير حبايبنا
بلوك للبخيل
بيبخل بالمشاعر
يحب المال كتير
والقلب ياما مال
وصابه كتير ضلال
بلوك للكداب
والصدق يبقى تاجنا
ينور لنا طريقنا
يارب تهدينا
وتحسن أخلاقنا
ونعمل. بأيدينا
بلوك... بلوك
للي سبب ضياعنا
بقلمي / إحسان صادق
تعليقات
إرسال تعليق