قُربك جمر
قصيدة ~ قُربك جمر
الكاتب ~ على ياقوت ~ يكتب...
₪₪₪₪₪₪₪₪₪₪₪₪₪₪₪₪₪
قُربك جمر
قُربك جمر وبُعدك نار
وكان لازم يوم اختار
اعيش معاكى وتطلع عينى
يا ابعد عنك واعيش محتار
بس كان لازم يادقة قلبى
لحظة اخد اى قرار
يمكن الاقي الهنا وياكى
ويمكن ادوق احلى مرار
وابني جنبك عشى بايدى
يروح بجروحى غريب الدار
عاشق ليلك وايا نجومك
سهران لحد مايجي نهار
يبان طريقى ودرب هوايا
مرسوم حلمى باعلى جدار
ونكتب حروف غرامنا سوا
نبني بيها للحب دار
نحضن ليالى الحب معانا
ومنخليش افرحنا تهرب
زى قصة قط وفار
وكل ما يعدى يوم نفرح
ولما شجر الحب يطرح
نوزع منها على كل جار
على ياقوت
مصر
تعليقات
إرسال تعليق