حال الدنيا
قصيدة ~ حال الدنيا
الكاتب ~ هلال البنا ~ يكتب...
₪₪₪₪₪₪₪₪₪₪₪₪₪₪₪₪₪
حال الدنيا
............
مرهونه زي البلونه
والبلالين أشكال والوان
دنيا غروره والملعونه
وجواها بالهوى مليان
على لمسه بتكون مرهونه
وضعيفه في الوزن كمان
فى الآخر إسمها بلونه
وللزينه فى أي مكان
في العالي وفوق البلكونه
وللدعايه وللإعلان
حال الدنيا
بلونه وقعت فى الشونه
ودخلت على مخزن مكرونه
في المخزن كراكيب مليان
ومن غير ترتيب ومركونه
البلونه بتطير طيران
وتتنطط زي المجنونه
تنطيتها وسط المكرونه
وهي دخلت جوه الكرتونه
محجوزه لها وقت وعوزه
وفيران فى المخزن ملعونه
حال الدنيا
كراكيب و من غير بلالين
والبلالين بتلف الشونه
في تعابين عند الطوابين
والتومين كيلو زيت وصابونه
ناس وقفين اشكال والوان
وعجباهم شكل البلونه
جواها بالهوى مليان
وناس بلالين وناس مطحونه
مطحونه عند الدكان
والدكاكين سالفه ومديونه
حال الدنيا
منفوخه وأحوال. موقوفه
والدنيا. كوره. وملفوفه
بتلفك في فضيحه وتزفك
وهي الدنيا كده معروفه
بتشيلك فوق. وترميك
ولا مره. كانت. مكسوفه
قولي الله يرحم والديك
وفكرني والناس ملهوفه
يوم الساحه وفرحه مباحه
وبتنفخ. جوه البلونه
حال الدنيا
زي البلونه. المرهونه
والبلالين كل. الأشكال
ياسلام على لون البلونه
والهوى جواها. ومليان
على لمسه وحده ومرهونه
وخفيفه والوزن ضعيفه
بلونه بس إيه. مخزونه
والأكياس جوه الكرتونه
زينه. ودعايه. وإعلان
وللأفراح مش. في الأحزان
حال الدنيا
البلونه زي تشبيصه
والدنيا هايفه ورخيصه
مش بتحس بحد وخسيسه
ومرهونه على نفخه ضعيفه
زي بلونه في البلكونه
وبلالين طايره في الحلزونه
زفه ولفه عند الشونه
ويظهر إن اللفه عويصه
حال الدنيا
زي بلونه رايحه وجايه
ومع ناس تانيه أو ويايه
عالعمدان وعالعنبايه
وفوق الشجر وعالمشايه
يلعبوا بيها تامر وٱيه
والدنيا ليه معايه
بتلففنا واتدوخنا
والآخر زي البلونه
حال الدنيا
،،، ،،، ،،، ،،، ،،، ،،، ،،، ،،، ،،،
مع هلال البنا في
حال الدنيا
.................
تعليقات
إرسال تعليق